کورونا کے مریضوں کاعلاج، پلازما تھراپی کے کلینکل ٹرائل کی اجازت مل گئی

اسلام آباد (این پی پی ) کورونا کے خلاف حکومت کے اہم اقدامات کا سلسلہ جاری ہے ۔ڈرگ ریگولیٹری اتھارٹی آف پاکستان نے کوروناعلاج کےلیےپلازماتھراپی کے کلینکل ٹرائل اور مقامی طورپرتیاروینٹی لیٹرز کے کلینیکل ٹرائل کی اجازت دے دی۔

معاون خصوصی برائے صحت ڈاکٹر ظفر مرزا نے کہا کہ ڈریپ نےکوروناعلاج کےلیےپلازماتھراپی کے کلینکل ٹرائل کی اجازت دےدی۔
ظفر مرزا کا کہنا تھا کہ ڈریپ نے کلوروکوئین کے خام مال کی مقامی طور پر تیاری اور مقامی طورپرتیاروینٹی لیٹرز کے کلینیکل ٹرائل کی بھی اجازت دی، پاکستان انجینئرنگ کونسل کےتیار وینٹی لیٹرزکےٹیسٹ ٹرائل جاری ہے۔
ڈریپ نے50سے زائدکمپنیوں کو ہینڈ سینی ٹائزرتیاری کی اجازت دے دی ، مقامی کمپنیوں کو سینی ٹائزربنانے کی اجازت 3ماہ کےلیےدی گئی ، لائسنس یافتہ کمپنیوں کولوکل سینی ٹائزرتیار کرنے کی اجازت ہوگی۔
کمپنیاں ڈبلیو ایچ او کی ہدایات کے مطابق سینی ٹائزرز تیار کریں گی ، حکومت کورونا سے نمٹنے کیلئے بھرپور اقدامات کر رہی ہے۔
خیال رہے کورونا وائرس کےعلاج کیلئے پیسیو ایمونائزیشن کاطریقہ کامیاب ہونے لگا ہے ، چین میں کورونا وائرس سے انتہائی بیمارپانچ مریضوں کاعلاج پیسیو امیونائزیشن کے طریقے سے کیا گیا، جن میں سے تین مریض صحت یاب ہوگئے۔۔دیگر دو مریضوں کی حالت بھی بہترہے۔
پیسیو ایمونائزیشن میں کسی بیماری سےصحت یاب ہونے والےمریضوں کے خون سے پلازمہ لےکربیمارشخص میں منتقل کیاجاتا ہے، غیرملکی میڈیاکے مطابق یہ آزمائش چین میں بیس جنوری سے بیس مارچ کے دوران ہوئی۔

اپنا تبصرہ بھیجیں