بھارتی فوج نے 3 کشمیری نوجوان شہید کردیے

سری نگر(این پی پی) وادی جنت نظیر کشمیر میں بھارتی فوج نے مزید 3 نوجوانوں کو شہید کردیا، یوں تین دن میں شہید ہونے والے نوجوانوں کی تعداد 5 ہوگئی ۔کشمیر میڈیا سروس نے بتایا ہے کہ قابض بھارتی فوج نے وادی کے ضلع راجوڑی میں داخلی اور خارجی راستوں کو بند کرکے سرچ آپریشن کیا اور گھر گھر تلاشی کے دوران بدترین بنیادی انسانی حقوق کی خلاف ورزی کی۔قابض بھارتی فوج نے سرچ آپریشن کے دوران ظلم و درندگی کی انتہا کرتے ہوئے 3 کشمیری نوجوانوں کو گولیاں مار کر شہید کر دیا۔ بھارتی فوج نے شہید ہونے والے نوجوانوں کو دہشت گرد ثابت کرنے کی بھونڈی کوشش کی۔علاقہ مکینوں نے قابض بھارتی فوج کی جارحیت کے خلاف شاہراہ بلاک کرکے شدید احتجاج کیا اور لاشیں لواحقین کے حوالے کرنے کا مطالبہ کیا۔ عینی شاہدین کا کہنا تھا کہ نوجوان نہتے اور معصوم تھے جنہیں جعلی مقابلے میں قتل کیا گیا۔

اپنا تبصرہ بھیجیں